dekh sooraj doob raha...

dekh sooraj doob raha
roshni kam ho gayi
beet gaya ek aur din
zindagi kam ho gayi

aaj karle jo hai karna
kal na kehna dost mere
jis pal mein chaha tha ye karna
vo ghadi gum ho gayi

dekh sooraj doob raha
roshni kam ho gayi

samay bahut hai tej chalta
rok saka na koi ise
chal pada jo saath iske
zindagi phir ban gayi

dekh sooraj doob raha
roshni kam ho gayi

sambhal ja ab bhi samay hai
kar le ichhayein tu poori
is pal main jo tu jag gaya to
manzilein phir mil gayi

dekh sooraj doob raha
roshni kam ho gayi
beet gaya ek aur din
zindagi kam ho gayi

my hindi side ;-)